Magpakatatag

Nitong nakaraang mga buwan lalong umiinit ang mga kontrobersiya sa ating bayan. May nabalitaan tayong mga taong namamatay dahil sa pagkain ng pagkaing galing sa basurahan. May isang pamilya naman na namatay sa sunog. Honostage na naman ang mga Pilipino sa middle east. Napaka  grave ng corruption sa Armed Forces. Walang hinto ang mga protesta ng mga drivers, manggagawa, at iba-ibang grupo dahil sa pagtaas ng halaga ng gasoline, ng kuryente, mga bilihin, dahil sa matinding financial crisis. Ating  naitatanong: saan kaya lahat hahantong ang mga ito? Para bagang nakaupo tayo sa isang bulkan na malapit nang sumabog.

Ang ating sitwasyon po ngayon ay nahahallintulad sa mag inilalarawan sa mga pagbasa ngayon. An gating ebanghelyo ay punong-puno ng kahindik-hindik na larawan: “magkaroon ng malakas na lindol, magkakagutom at magkakasalot sa iba’t ibang dako. May lilitaw na mga kakilabot-kilabot na mga bagay at mga kagilas-gilas na tanda buhat sa langit.” Sa kalagitnaan ng ating krisis, pakay ba ng ating ebanghilyo na dagdagan pa ang ating takot at pangamba sa pamamagitan ng mga larawang ito?

Noong isinusulat ni San Lucas ang Ebanghelyong ito, ang mga Kristiyano noon ay dumaranas ng pag-uusig, at matinding krisis.Gusto niya lang ipahayag sa kanila, at sa atin na rin, na ang Kristoyano ay dapat maging handa sa pagharap sa ibat-ibang uri ng pagsubok, at kahirapan na maaring manggaling mismo sa kanyang sariling pamilya at kaibigan.

Sa kalagitnaan ng lahat ng ito, ang mensahe ni San Lucas ay: “Ipanatag ninyo ang inyong kalooban,huwag kayong mababalisa tungkol sa pagtatanggol sa inyong sarili…. Hindi mawawala ni walang hanggan.” Ang disipulo ni Hesus ay kailangan magpakatatag at hindi sumuko, sapagka’t ang Panginoon ang kanyang Sandigan at kanayang Lakas.

Ang panahon natin ngayon ay hindi mga ordinary at maalwang panahon. Maituturing natin itong isang panahon ng pagsubok. Kaya nga ang bawa’t isa sa ating mga Kristiyano ay dapat making sa panawagan ng Ebanghelyo na manindigan para kay Kristo at hindi sumuko sa mga hamon ng panahon.

Fr. Taddy Castillo, OMI

Grace Park Cross November 14, 2004