Magandang Salita Isabuhay Natin

Hinding-hindi mawala sa isip ko ang isang kwento tungkol sa isang namatay na napunta sa langit. Sa pagtangggap sa kanya doon, inilibot muna siya ni san Pedro sa mga silid na naroon. Namangha siya nang mapadako sila sa isang kwarto na puno ng mga dila kung kaya’t naitanong niya, “ ano po ang ibig sabihin nito?" Iyang ang mga dila ng mga taong mahusay sa salita ng mabuti subalit hindi isinasagawa ang kanilang sinasabi” tugon ni San Pedro.

Napakaraming kabutihan ang nananatili sa bibig lamang. Maraming mabubuting salita ang paulit-ulit sinasambit subalit hindi naipapahayag sa gawa. Dito pa lamang sa ating parokya, napakaraming nagaganap na seminars, mga pag-aaral tungkol sa Diyos. Subalit kadalasan,s a daan-daang nakatapos ng nga ito, taliwas ang asal at gawaing makikita sa kanila. Ano nga ba ang saysay ng mga ito? Ang tumanggap ng "certificate” upang ipakita na tayo miyembro ng grupong ito? Ang masabing tayo ay mabuti dahil kaanib tayo ng orginisasyong ito?

Sa Ebanghelyo ngayong Linggo, pinangangaralan ng Panginoon ang mga Pariseo at Eskriba sa kabababwan ng kanilang kabutihan. Panlabas lamang anng kanilang pinahahalagahan. Angmakita silang mabuti sa itsura, sa anyo. Hindi nila tunay na isinasabuhay ang magagandang salita itinuturo sa kanila.Ang pagiging pinuno nila ay ginagmit lamang nila sa pansariling kabutihan at di para sa kapakanan ng kanilang kapwa.

Ito ay simpliing hamon sa ating lahat na di lang ang dila ang pagsikapang makarating sa langit. Ang ibig sabihin ay gawin natin ang magagandang adhikain natin. Ipahayag natin ang pagmamahal  sa gawa. Paakyatin natin an gating mga kamay sa langit sa pamamagitan ng pagtulong sa mga nangangailangan; ang ating mga paa sa pakikiisa natin sa kapwa nating nalulumbay at naliligaw; ang buo nating buhay sa tunay na pagkalinga natin sa bawat isa. Binigyang natiin ang bawat salitang nnamumutawi sa ating bibig tulad ng Panginoong Hesukristo na “Salitang nagkatawang – tao".

Fr. Romeo C. Marcelino , OMI

Grace Park Cross November 3, 2002