KAYA BA NATIN ‘TO?

“Kung talagang mahal mo ‘ko handa ka bang para sa akin? Hamon ni babae sa kasintahan. Malalim na nag-isip ang napasubong lalaki. Eh.. hindi nga yata, eh “O, kita muna! Hindi nga tuinay ang iiyong pagmamahal! Sabay hagulgol ni babae. “Pero, honey, mabilis na palusot ni lalaki, ”kasi walang kamatayan ang pag-ibig ko sa’yo!

Di na natin kailangan magpalusot pa sa Diyos. Maliwanag sa atin kung gaano Niya tayo kamahal, sa pamamagitan ni Hesus…hanggang kamatayan! Tayo na lang ang Malabo. Tayo na lang ang hinihintay Niyang magpahayag ng tugon pagmamahal sa Kanya. It’s our ball, ika nga. Sa totoo, nasa atin ang lahat ng advantage. Dama natin ang Kanyang patong-patong na pagpapala: buhay, kakayahan,kagalingan,patawad sa kasalanan,maayos na pamumuhay ,tunay na kalayaan. Maliit man o malaki, ngayon man o sa sarili Niyang panahon,alam nating ang biyaya ng Diyos sa atin ay “isang saganang takal, siksik, lilglig, at umaapaw”(Lk 6:38).

Pati na na nga ang bunga ng ating pag-ibig at katapatan sa Diyos ay higit na para sa ating kapakanan kaysa sa kapakanan ng Diyos. Tapat man tayo sa Kanya o hindi , patuloy na umiiral ang Kaluwalhatian ng Diyos. Pero kapag tayo ang hindi tapat na umiibig sa Diyos,hindi tayo makapanatili sa Kanya.Binilinan tayo  nni Hesus, “Ang namamalagi sa Akin at Ako sa kanya ,siya ang namumunga nang sagana,pagkat hiwalay tayo sa Aki’y di kayo makagagawa ng anuman” (Juan 15:5) Maliwanag at tiyak ang hangarin ng Diyos sa atin,na sa pakikipagkaisa natin kay Hesus ay “mumunga kayo ng sagana,” “mapasainyo ang Aking kagalakan at maging ganap ang inyong kaganapan! “ Ganito kaliwanag ang pag-ibig ng Amang Diyos sa atin na ipinahayag Niya sa pamamagitan ni Kristo!

Kaya nga’t tamang-tama ang mga paalala at inspirasyon ng Salita ng Diyos na ipinahahayag sa Eyukaristiya ngayong Linggo. Hindi pananakot at pagbabanta ang nasa Puso ni Hesus sa mga salitang “Sumunod ka sa Akin!” at Ang naghahawaj ng araro at palingun-lingun pa sa likuran ay hindi karapatdapat sa paghahari ng Diyos”(Lukas 9). Ito’y matinding pagmamalasakit na malagay tayo sa tama at ligtas na landas…ang tanging landas na makapagbibigay sa atin ng tunay na kagalakan at pamumunga ng sagana sa buhay na ito hanggang sa buhay na wala nang katapusan.

Bilib tayo sa mga tulad ng mgakapatid na Apostol Pedro at Andres—nang tinawag sila ni Hesus,” Agad nilang iniwan ang kanilang mga lambat at nagsimulang sumunod sa Kanya” (Mateo 4:20). Bilib tayo kay propetang Eliseo sa unang pagbasa –nang tawagin siya ng Diyos sa paglilingkod, ginawa niyang gatong ang kanyang mga kagamitan sa pagsasaka at inihaw ang mga bakang panghanapbuhay at ipinakain sa kanyang mga trabahante upang maging Malaya siyang makasunod kay pripeta Elias (1 Mga Hari 19:21).

Hangarin tayo sa Panginoong Hesus. Tiyak Niya ang Kanyang adhikain---ang karangalan ng Ama at ang pagpapalaya sa atin mula sa pagka-alipin sa kasamaan. Tiyak Niya ang Kanyang pagdaraanan–pag-alipusta, paghihirap, at pagbitay sa Krus sa Herusalem. Ang tugon ng Kanyang pag-ibig sa Ama at sa atin ay “tahasang ipinasaya ni Hesus na pumunta na sa Herusalem! (Lk 9:51)

Sabi ng iba, ”Inspiration is Perspiration! Ang ganda ng inspiration at encouragement sa atin ng  Banal na Espirito,pero tila pinagpapawisan at nagkakasingaw tayo kapag iniisip natin kung magagawa ba natin ito. Ang tugon ni San Pablo sa ikalawang pagbasa: :Pinalaya na tayo ni Kristo..kaya magpakatatag kayo! (Gal 4:1) “Lumakad kayo sa Espirito!...huwag ninyong pagbigyan ang pita ng laman” (Gal 4:16) Isa-isa na nating iwanan an gating mga “Bangka” at mga “lambat” upang tayo’y lumaya na mula sa bigat ng pagkamakasarili, mamunga ng sagana, at maging ganap sa buhay na may kagalakan. Remember—the glory of God is a person fully alive!

Grace Park Cross July 1,2001