HESUS NA AKING KAPATID!

Ang lahat ng bagay tungkol kay Juan Bautista sa simula’t-simula pa ay nagpapakiyang siya’y nakatakdang maging magiting. Una, ang kanyang mga magulang ay matanda na, ang pagkkapanganak sa kanya ay ipinahayag ng isang angel, ang kanyang pangalan ay nagmula sa Diyos. Nang siya’y nanatili sa disyerto ang kanyang pananamit ay nagpapa-alala kay Propetang Elias. Ang mismong pangalan niyang galing sa wikang Hebreong “Yohanan" ay nangangahulugang “handog ng Diyos” o “ang Diyos ay mapagpala.” Subalit hindi na tayo kailangang tawagin pang Juan upang matamto na an gating sarili ay handog na galing sa Diyos.

Ang kapistahang ng pagkapanganak kay Juan ay nagpapa-alala sa atin kung sino tayo sa mata ng Diyos. Katulad  ng sabi ni Propeta Isaias, “Pinili na ako ng Panginoon bago pa ako isilang.” Ito’y ay nagpapakita ng pagtatangi ng Diyos sa Kanyang nilalang. Kaya nga ditto na Siyang humirang sa atin.

Ang bawat tao ay nilikha ng Diyos,kaya siya’y hinihirang ng Diyos para sa Kanyang layunin.Ito ay napapaloob sa  katotohanang tayo’y kasama sa misyon ni kristo. Hindi ba sinasabi rin sa atin na sa pamamagitan n gating Binyag tayo aynakikibahagi sa pagkahari, pagkapropeta, pagkapari ni Kristo? Sa kabuuan nito,tulad ni Juan Bautista, an gating misyon ay ipahayag o pakilala si Kristo sa lahat ng tao,anuman an gating uri ng pamumuhay.Wika n gang isang awitin sa simbahan,”Hesus na aking kapatid, sa bukid Ka nagtatanim at sa palengke rin naman, Ikaw ay naghahanapbuhay! “Sila ay makapagpapahayag ng pananatili ng Diyos sa kanilang kapwa, sa pamamagitan ng isang mailinis at matuwid na pamumuhay.

Ngunit tayo’y mga taong mahihina at minsa’y nabibigo sa kabilanng ating pagsisikap sa abot ng ating makakaya. Dito naman tayo hinahamon na “ipagkatiwala sa Panginoon an gating kalagayan “upang tayo’y gantimpalaan sa ating nakayanan. Ang pananampalataya ay maipapahayag natiin sa pagkilala na ang Diyos ang humirang sa atin. Siya rin ang pumili sa atin upang Siya’y paglingkuran.Dahil dito ay hindi tayo iniiwan ng Diyos sa ating mga kabiguan. Ang Kanyang mapagpalang Kamay ay patuloy na nagpapala sa ating mga nakayanan .

Hindi ba natin naitatanong sa ating sarili kung paano tayo nakagagawa ng mga kahanga-hangang bagay kung hindi anng biyaya ng Diyos ay sumasaatin? Kung ito ay maisasaisip at maisasapuso natin, matatanto nating ang lahat ay mula sa  Diyos at para sa Diyos.

Padre Romy Marcelino ,OMI

Grace Park Cross June 24, 2001